म्याग्दीको रघुगंगा गाउँपालिका–१ बेगमा आज पहिरोमा पुरिएर एक डोजर चालकको मृत्यु भएको छ। रघुगंगा गाउँपालिका–२ भगवतीका ५१ वर्षीय पदम कार्कीको घटनास्थलमै मृत्यु भएको जिल्ला प्रहरी कार्यालय म्याग्दीले जनाएको छ।
बेगको भिजरादेखि भजने जाने सडक निर्माण कार्य भइरहेको थियो। सोही क्रममा अचानक पहिरो खस्दा रुइसे देउराली कन्ट्रक्सन प्रालिको डोजर पुरिएको थियो।
पहिरोमा पुरिएका कार्कीको उद्धार
घटनास्थलमा खटिएका प्रहरी निरीक्षक सागर तिमिल्सिनाका अनुसार, पहिरोमा पुरिएका कार्कीलाई निकाल्नका लागि अन्य डोजर र ब्याकुहोलोडरको प्रयोग गरिएको थियो। करिब एक घण्टाको प्रयासपछि शव बाहिर निकालिएको थियो।
विज्ञापन
प्रहरीले शव परीक्षणका लागि प्रदेश अस्पताल बेनीमा पठाएको छ। घटनाको थप अनुसन्धान भइरहेको प्रहरीले जनाएको छ।
