लिलामीबाट ऋण असुलीमा ‘ठगी तथा आपराधिक विश्वासघात’ आरोपमा नेपाल इन्भेष्टमेन्ट मेगा बैंकका सीईओ ज्योतिप्रकाश पाण्डे पक्राउ परेपछि नेपाल बैंकर्स संघले बिहीबार आकस्मिक बैठक डाकेको छ।
सीईओ पाण्डेको पक्राउपछि बैंकर्स संघका अध्यक्ष सन्तोष कोइरालाले नेपाल राष्ट्र बैंकका गभर्नरलगायत उच्च अधिकारीहरुसँग छलफल गरेका थिए। त्यसपछि उनले प्रहरीको केन्द्रीय अनुसन्धान ब्यूरो (सीआईबी) प्रमुख मनोज केसीलाई भेट्न गएका थिए। सीआईबी प्रमुखसँगको भेटपछि फर्किएर कोइरालाले बिहीबार बिहान आकस्मिक बैठक डाकेका हुन्। यस बैठकमा ‘सरकारी कम्पनीमा कसरी ऋण दिने?’ भन्ने मुख्य प्रश्नमाथि छलफल हुनेछ।
