समस्याग्रस्त ओरिएन्टल सहकारी संस्थाका २८४ ऋणीको तीन पुस्तेसहितको विवरण सार्वजनिक भएको छ। भूमि व्यवस्था, सहकारी तथा गरिबी निवारण मन्त्रालय अन्तर्गतको समस्याग्रस्त सहकारी व्यवस्थापन समितिको कार्यालयले ऋणीहरूलाई तत्काल ऋण चुक्ता गर्न निर्देशन दिएको हो।
कार्यालयले सार्वजनिक गरेको सूचनामा ऋणीहरूलाई यथाशीघ्र ऋण चुक्ता गर्न भनिएको छ। तोकिएको समयभित्र ऋण नबुझाए कानुन बमोजिम असुली प्रक्रिया अगाडि बढाइने चेतावनी दिइएको छ।
