पश्चिम एसियामा बढ्दो सैन्य तनावले विराटनगर नाका हुँदै प्लास्टिक दाना आयातमा ठूलो गिरावट आएको छ।
करिब तीन महिनादेखि पेट्रोलियम पदार्थसँग सम्बन्धित औद्योगिक कच्चा पदार्थको आयातमा समस्या देखिएपछि यहाँका प्लास्टिक उद्योगहरूले कच्चा पदार्थको अभाव झेलिरहेका छन्। यसले उत्पादनमा प्रत्यक्ष असर पारेको छ।
विराटनगर भन्सार कार्यालयको पछिल्लो छ महिनाको तथ्याङ्कले प्रमुख कच्चा पदार्थको आयात परिमाण र राजस्व सङ्कलनमा मिश्रित परिणाम देखाएको छ। तर, केही महत्त्वपूर्ण क्षेत्रमा भने ठूलो गिरावट आएको स्पष्ट देखिन्छ।
