बजारमा व्याप्त अनियमितता, कृत्रिम मूल्यवृद्धि र उपभोक्ता ठगी नियन्त्रण गर्न सरकारले सोमबारदेखि देशभर ‘मूल्य पारदर्शिता सप्ताह’ अभियान सुरु गर्दैछ। यो अभियान प्रधानमन्त्री तथा मन्त्रिपरिषद्को कार्यालय र उद्योग, वाणिज्य तथा आपूर्ति मन्त्रालयको संयुक्त पहलमा आयोजना गर्न लागिएको हो।
प्रधानमन्त्री तथा मन्त्रिपरिषद्को कार्यालयका प्रेस तथा अनुसन्धानविज्ञ दिपा दाहालले आमनागरिकको दैनिक जीवनसँग जोडिएको मूल्यवृद्धिको नियन्त्रण र बजार सुशासन कायम गर्न यो अभियान महत्वपूर्ण हुने बताएकी छन्।
