मुख्य सामग्रीमा जानुहोस्
Nmkhabar
EN
एनपीएल लाइभ स्कोर, अंक तालिका र तालिका अंक तालिका ›

औद्योगिक क्षेत्रको भाडा नतिर्ने उद्योगमाथि सरकारको कडा कदम

सरकारले औद्योगिक क्षेत्रको बक्यौता भाडा र महशुल नतिर्ने उद्योगमाथि कठोर कदम चाल्ने भएको छ। उद्योगमन्त्री गौरीकुमारी यादवले सात दिनभित्र रकम भुक्तानी नगरे कारबाहीको चेतावनी दिएकी छन्।
Nmkhabar डेस्क
१ मिनेट पढाइ
आकार:
औद्योगिक क्षेत्रको भाडा
Share:
२१६

बालाजु औद्योगिक क्षेत्रका ठूला उद्योगीहरूले करोडौं रुपैयाँ बक्यौता भाडा र महशुल बुझाएका छैनन्। उद्योग, वाणिज्य तथा आपूर्तिमन्त्री गौरीकुमारी यादवले सात दिनभित्र रकम भुक्तानी नगरे कडा कारबाही गर्ने चेतावनी दिएकी छन्।

औद्योगिक क्षेत्र व्यवस्था लिमिटेडका अनुसार गुराँस इन्जिनियर्स प्राइभेट लिमिटेडले रु तीन करोड ७३ लाख १९ हजार, कन्टिनेन्टल कम्पोनेन्ट एन्ड सर्भिसेज प्रालिले रु तीन करोड ६९ लाख १० हजार, बालाजु स्कुल अफ इन्जिनियरिङ एन्ड टेकले रु दुई करोड ५५ लाख ८६ हजार, बोटलर्स नेपाल लिमिटेड (कोकाकोला) ले रु एक करोड ७५ लाख, बालाजु अटो वर्क्स प्रालिले रु एक करोड ४५ लाख, नेपाल ग्यास उद्योगले रु एक करोड ३१ लाख र कन्टिनेन्ट सर्भिसेज प्राइभेट लिमिटेडले करिब रु एक करोड रुपैयाँ तिर्न बाँकी छ।

मन्त्री यादवले यसपटक विगतजस्तो सामान्य पत्र काटेर मात्र नछाडिने बताइन्। उनले भनिन्, “सात दिनको समयभित्र बैंक भौचरसहित उपस्थित नहुने उद्योगहरूको लाइन काटिनेछ। उद्योग परिसर सिल गरिनेछ र अटेर गरे सञ्चालकहरूविरुद्ध सिधै वारेन्ट जारी गरी राज्यको सम्पत्ति असुली प्रक्रिया अघि बढाइनेछ।” यो कदमले लामो समयदेखि सरकारी सम्पत्ति प्रयोग गरेर दायित्व नतिर्ने उद्योगीहरूमाथि दबाब बढेको छ।

विज्ञापन
Nmkhabar डेस्क

Nmkhabar डेस्क

संवाददाता · Nmkhabar

Nmkhabar डेस्क Nmkhabar को सम्पादकीय डेस्क हो। यस नाममा प्रकाशित समाचार सरकारी निकाय, अदालत, संसद, नेपाल राष्ट्र बैंक तथा अन्तर्राष्ट्रिय संस्थाका आधिकारिक स्रोत र विश्वसनीय सूचनाका आधारमा तयार गरिन्छन्, र प्रकाशनअघि तथ्य तथा भाषाको सम्पादकीय जाँच गरिन्छ। हाम्रो सम्पादकीय र एआई प्रयोग नीति: https://nmkhabar.com/ai-policy/ । कुनै त्रुटि भेटिएमा info@nmkhabar.com मा जानकारी दिनुहोस्, हामी तुरुन्त सच्याउँछौँ।

थप समाचार