हेटौँडा कपडा उद्योग पुनः सञ्चालनका लागि नेपाली सेनाले परीक्षण उत्पादन सुरु गरेको छ। उद्योग, वाणिज्य तथा आपूर्ति मन्त्रालयका सचिव कृष्णबहादुर राउतले यो जानकारी दिए।
सरकारको सय दिन पुगेको अवसरमा आयोजित पत्रकार सम्मेलनमा राउतले उद्योग सञ्चालनको निर्णय भएको बताए। सरकारले २०८३ असार १८ गते उद्योग पुनः सञ्चालन गर्ने निर्णय गरेको थियो। अर्थ मन्त्रालयले यसका लागि बजेट निकासा गरिसकेको छ।
सचिव राउतका अनुसार, सेनाले परीक्षण उत्पादनको काम गरिरहेको छ। बन्द भएका वा रुग्ण अवस्थामा रहेका सातवटा उद्योगको सम्पत्ति र दायित्वको मूल्यांकन (डिडिए) रिपोर्ट पनि तयार भइरहेको छ।
विज्ञापन
उद्योग कसरी सञ्चालन गर्ने भन्नेबारे डिडिए रिपोर्ट आएपछि मात्र अन्तिम निर्णय गरिने सचिव राउतले स्पष्ट पारे।
