मिटरब्याज पीडितलाई न्याय दिन सरकार गम्भीर हुनुपर्छ : श्रेष्ठ
महोत्तरी । पूर्वउपप्रधानमन्त्री नारायणकाजी श्रेष्ठले मिटरब्याज पीडितलाई न्याय दिलाउन विगतमा भएका सहमति र निर्णय कार्यान्वयन गर्न सरकार गम्भीर बन्नुपर्ने बताएका छन् ।
दिवंगत नेता राजकिशोर मण्डलको श्रद्धाञ्जली सभामा बोल्दै श्रेष्ठले ऋणको नाममा चर्को ब्याज असुल्ने, ऋणभन्दा कैयौँ गुणा बढी रकमको तमसुक बनाउने र घरजग्गा हडप्ने प्रवृत्तिको अन्त्य गर्नुपर्ने बताए । उनले यस सन्दर्भमा सरकारले पीडितको समस्या समाधान गर्नुपर्नेमा जोड दिए ।
श्रेष्ठले मिटरब्याज पीडितहरूको माग सम्बोधन गर्न गरिएका सम्झौताहरू कार्यान्वयन नहुँदा उनीहरू झन् समस्यामा परेको बताए । यसको असर नागरिकको सम्पत्ति र जीवनस्तरमा परिरहेको उनको भनाइ छ ।
