नवनियुक्त प्रहरी महानिरीक्षक (आईजीपी) डा. मनोजकुमार केसीलाई आज बुधबार साँझ गृह मन्त्रालयमा गृहसचिव केदारप्रसाद शर्माले दर्ज्यानी चिह्न प्रदान गरेका छन्। गृह मन्त्रालयका प्रवक्ता सहसचिव आनन्द काफ्लेका अनुसार, केसीलाई साँझ ५ बजे दर्ज्यानी चिह्न प्रदान गर्ने कार्यक्रम तय भएको थियो।
मन्त्रिपरिषद्को आकस्मिक बैठकले आजैदेखि लागू हुने गरी डा. मनोजकुमार केसीलाई प्रहरी महानिरीक्षकमा नियुक्त गरेको हो। यसअघि प्रहरी महानिरीक्षक रहेका दानबहादुर कार्कीलाई सरकारले पदबाट हटाएर प्रधानमन्त्रीको विशेष सुरक्षा सल्लाहकारको जिम्मेवारी दिएको छ।
पृष्ठभूमि
- सरकारले २०८३ कात्तिक १८ गते एआईजी मनोज केसीलाई प्रहरी महानिरीक्षक (आईजीपी) नियुक्त गरेको थियो।
- सरकार र निवर्तमान आईजीपी कार्कीबीच केही समययता सम्बन्ध चिसिएको थियो, विशेषगरी हाइ प्रोफाइल अनुसन्धानका संवेदनशील फाइलहरू चुहिएको विषयलाई लिएर।
नवनियुक्त आईजीपी डा. मनोज केसीले आजै प्रहरी प्रधान कार्यालय नक्साल पुगेर औपचारिक रूपमा पदभार ग्रहण गर्नेछन्। उनले आगामी १७ महिनासम्म नेपाल प्रहरीको नेतृत्व गर्नेछन्।
यसअघि: मन्त्रिपरिषद्ले मनोज केसीलाई प्रहरी महानिरीक्षक नियुक्त गर्यो
