सरकारी भुक्तानीमा ढिलासुस्तीले व्यवसायीको घरजग्गा लिलामीको जोखिम
सरकारी निकायबाट काम गरेबापतको भुक्तानी समयमा नपाउँदा व्यवसायीहरू ठूलो आर्थिक संकटमा परेका छन्। कतिपयको घरजग्गा लिलामी हुने अवस्थामा छ। यो समस्याले समग्र अर्थतन्त्रमा समेत नकारात्मक असर पार्ने व्यवसायीहरूको भनाइ छ।
व्यवसायी नारायण खड्काले सरकारले समयमा भुक्तानी नदिँदा आफूहरू गम्भीर आर्थिक दबाबमा परेको गुनासो गरे। उनको व्यवसायको रकम भुक्तानी नहुँदा बैंकको ऋण तिर्न नसकेको अवस्था छ। घरजग्गा धितो राखेर व्यवसाय चलाउनुपर्ने बाध्यता आएको उनले बताए।
सरकारी ढिलासुस्तीले लगानीको वातावरण बिग्रने र नयाँ व्यवसाय सुरु गर्नेहरूको मनोबल गिर्ने व्यवसायीहरूको चिन्ता छ। समयमै भुक्तानी नपाउँदा व्यवसायीहरूमा आश्रित हजारौं कर्मचारीहरूको रोजीरोटीमा समेत संकट आउने गरेको छ।
विज्ञापन
व्यवसायीहरूले सरकारी कामको भुक्तानी प्रक्रियालाई सरल र छिटो बनाउनुपर्ने माग गरेका छन्।
