काठमाडौं । नेकपा (एमाले) की सांसद गंगादेवी श्रेष्ठले अवैध नेटवर्किङ व्यवसाय ‘गोल्ड कोइन’ माथि तत्काल प्रतिबन्ध लगाउन सरकारसँग माग गरेकी छन् ।
सोमबार प्रतिनिधि सभा बैठकमा बोल्दै सांसद श्रेष्ठले प्लेटफर्म सञ्चालकले प्रधानमन्त्री र मन्त्रीको नाम जोडेर सर्वसाधारणलाई झुक्याइरहेको बताइन् ।
उनले ‘गोल्ड कोइन’ ले प्रधानमन्त्री र मन्त्रीको स्रोत नखुलेको रकममा लगानी गराएर ठगी गरिरहेको आरोप लगाइन् ।
विज्ञापन
सांसद श्रेष्ठले यस्ता व्यवसायले नागरिकको सम्पत्ति असुरक्षित बनाएको र मुलुकको आर्थिक सुशासनमा प्रश्न उठाएको बताइन् । उनले तत्काल छानबिन गरी दोषीलाई कारबाही गर्न आग्रह गरिन् ।
