जनकपुरमा गुठीको अतिक्रमित जग्गा खाली गराउन भोलि (भदौ ६ गते) देखि डोजर चल्ने भएको छ।
गुठी जग्गा संरक्षण तथा अतिक्रमण हटाउने कार्यान्वयन समितिका सदस्य सचिव जनक पोखरेलका अनुसार पहिलो चरणमा पोखरीका डिलहरू खाली गराइनेछ।
गत साउन १ गते नै अतिक्रमित जग्गा खाली गर्न सूचना जारी गरिएको थियो। हाल माइकिङ गर्ने काम भइरहेको छ।
पहिलो चरणमा ५० वटा पोखरीलाई अतिक्रमण मुक्त गर्ने लक्ष्य छ।
कार्ययोजना अनुसार, पहिलो चरणमा पोखरी, दोस्रोमा मन्दिर परिसर र तेस्रोमा अन्य अतिक्रमित जग्गालाई मुक्त गरिनेछ।
यो कार्य २०६२ सालमा गठित भोजराज घिमिरे नेतृत्वको कार्यदलको प्रतिवेदनका आधारमा अघि बढाइएको हो।
भोलि गोरधोइ पोखरीको डिलमा डोजर चलाएर काम सुरु गरिनेछ।
