मुख्य सामग्रीमा जानुहोस्
Nmkhabar
EN
एनपीएल लाइभ स्कोर, अंक तालिका र तालिका अंक तालिका ›

बाढीमा बेपत्ता कर्मचारीका परिवारलाई प्राधिकरणले तत्काल ५० हजार र ६ महिनासम्म आधा तलब दिने

रसुवाको भोटेकोशी नदीमा आएको बाढीले १३ जलविद्युत् आयोजनामा क्षति पुर्‍याएको छ। प्राधिकरणका ४७ कर्मचारी/कामदार बेपत्ता भएका छन्। प्राधिकरण सञ्चालक समितिले बेपत्ताका परिवारलाई तत्काल ५० हजार रुपैयाँ राहत दिने निर्णय गरेको छ। स्थायी कर्मचारीका हकवालालाई ६ महिनासम्म आधा तलब बराबरको रकम पनि उपलब्ध गराइनेछ।
Nmkhabar डेस्क
१ मिनेट पढाइ
आकार:
विद्युत प्राधिकरण राहत प्याकेज
Share:

रसुवाको भोटेकोशी नदीमा आएको विनाशकारी बाढीमा बेपत्ता भएका कर्मचारी र कामदारका परिवारलाई नेपाल विद्युत प्राधिकरणले राहत प्याकेज घोषणा गरेको छ। बाढीले १३ वटा जलविद्युत् आयोजनामा क्षति पुर्‍याएको छ। प्राधिकरणअन्तर्गत मात्रै ४७ जना कर्मचारी र कामदार बेपत्ता छन्।

ऊर्जा, जलस्रोत तथा सिँचाइ मन्त्री विराज भक्त श्रेष्ठको अध्यक्षतामा बसेको प्राधिकरण सञ्चालक समितिको बैठकले बेपत्ता कर्मचारी र कामदारका आश्रित परिवारलाई तत्काल राहत उपलब्ध गराउने निर्णय गरेको हो। सञ्चालक समिति सदस्य अंशुकिरण शाहीका अनुसार, राहतको पहिलो चरणमा बेपत्ता भएका स्थायी कर्मचारी, ज्यालादारी तथा सेवा करारका कामदारको नजिकको हकवालालाई प्रति व्यक्ति ५० हजार रुपैयाँ उपलब्ध गराइनेछ।

दोस्रो चरणमा स्थायी कर्मचारीका नजिकका हकवालालाई ६ महिनासम्म बेपत्ता कर्मचारीको सुरु तलब स्केलको ५० प्रतिशत रकम निर्वाह स्वरूप उपलब्ध गराइनेछ। यो रकम भदौ महिनादेखि लागू हुने गरी व्यवस्था गरिएको छ।

विज्ञापन

बैठकमा मन्त्री श्रेष्ठले बेपत्ता कर्मचारी र कामदारका परिवार सरकारको जिम्मेवारी भएको बताए। उनले भने, ‘हामी एउटै परिवार हो। यो पैसाले यत्रो ठूलो दुःखको घाउ त निको पार्दैन, तर मल्हम लाउने काम गरोस्।’

विज्ञापन
Nmkhabar डेस्क

Nmkhabar डेस्क

संवाददाता · Nmkhabar

Nmkhabar डेस्क Nmkhabar को सम्पादकीय डेस्क हो। यस नाममा प्रकाशित समाचार सरकारी निकाय, अदालत, संसद, नेपाल राष्ट्र बैंक तथा अन्तर्राष्ट्रिय संस्थाका आधिकारिक स्रोत र विश्वसनीय सूचनाका आधारमा तयार गरिन्छन्, र प्रकाशनअघि तथ्य तथा भाषाको सम्पादकीय जाँच गरिन्छ। हाम्रो सम्पादकीय र एआई प्रयोग नीति: https://nmkhabar.com/ai-policy/ । कुनै त्रुटि भेटिएमा info@nmkhabar.com मा जानकारी दिनुहोस्, हामी तुरुन्त सच्याउँछौँ।

थप समाचार