प्रधानमन्त्री तथा मन्त्रिपरिषद्को कार्यालयले बिहीबार अत्यावश्यकबाहेक नयाँ सामग्री खरिद नगर्न देशभरका सरकारी निकायलाई निर्देशन दिएको छ। सार्वजनिक खरिदमा मितव्ययिता अपनाउन सरकारले यो कदम चालेको हो।
निर्देशनमा मौजुदा साधन, औजार, उपकरण, फर्निचर र सवारीसाधनको उचित मर्मतसम्भार गरी प्रयोगमा ल्याउन जोड दिइएको छ। यसले सरकारी खर्च कटौती गरी स्रोतको विवेकपूर्ण प्रयोग गर्ने लक्ष्य राखेको छ।
