प्रधानमन्त्री दैवी प्रकोप राहत कोषमा हाल १३ अर्ब ६८ करोड ७३ लाख ५४ हजार ६०६ रुपैयाँ मौज्दात छ। देश तथा विदेशबाट सहयोग रकम दाखिला हुने क्रम जारी रहेकाले कोषको सञ्चिति बढेको हो।
प्रधानमन्त्री तथा मन्त्रिपरिषद् कार्यालयका अनुसार कोषको खातामा नेपाली मुद्रातर्फ १० अर्ब ८ करोड ४३ लाख ८ हजार ५१७ रुपैयाँ नौ वटा वाणिज्य बैंकमा जम्मा भएको छ।
यस्तै, दुई वटा वाणिज्य बैंकमा कुल २ करोड ३६ लाख १२ हजार ५९६ अमेरिकी डलर मौज्दात रहेको प्रधानमन्त्री कार्यालयले जनाएको छ।
यसअघि, कोषबाट बाढी प्रभावित क्षेत्रमा राहत तथा पुनःस्थापनाका लागि राष्ट्रिय विपद् जोखिम न्यूनीकरण तथा व्यवस्थापन प्राधिकरणलाई एक अर्ब रुपैयाँ निकासा गरिएको थियो। बाँकी रकम विपद्पछिको उद्धार, राहत र पुनःस्थापनाका लागि सुरक्षित राखिएको छ।
