भ्याट २३.५३% बढ्दा आयकर २.४३% मात्र: आन्तरिक राजस्व औसत
चालु आर्थिक वर्ष २०८३/८४ को पहिलो दुई महिना (साउन-भदौ) मा आन्तरिक राजस्वतर्फको वृद्धिदर औसत देखिएको छ। यस अवधिमा कुल ८८ अर्ब १६ करोड ९१ लाख रुपैयाँ राजस्व संकलन भएको छ। यो गत आर्थिक वर्षको सोही अवधिको तुलनामा ११.८२ प्रतिशतले बढी हो। गत आवको साउन-भदौमा ७८ अर्ब ८४ करोड ५१ लाख रुपैयाँ राजस्व संकलन भएको थियो।
आन्तरिक राजस्व विभागको तथ्यांकअनुसार, यस वर्ष भ्याट (मूल्य अभिवृद्धि कर) २३.५३ प्रतिशतले बढेको छ। यद्यपि, आयकरको वृद्धिदर जम्मा २.४३ प्रतिशत मात्र रहेको छ।
